Ný rannsókn sýnir að þau pör sem borða mikið af fiski eiga fjörugra kynlíf og búa við meiri frjósemi en þau pör sem ekki hafa fisk á borðum hjá sér.

Niðurstöður í skýrslu um rannsóknina hafa verið birtar í tímaritinu Journal of Clinical Endocrinology & Metabolism. Rannsóknin sýnir að sjávarfang er mikilvæg uppspretta próteins og annarra næringarefna fyrir konur sem eru eða hugsanlega verða óléttar. Hinsvegar hafa áhyggjur af kvikasilfri í fiski valdið því að konur sem eru að reyna að verða óléttar forðast fiskát.

Á vefsíðunni FISHupdate er vitnað í Audrey Gaskins hjá Harvard háskólanum í Massachusetts, einn höfunda skýrslunnar, sem segir að rannsóknin bendi til að sjávarfang auki frjósemi þar á meðal að styttri tíma taki að verða ólétt og að pör sem borði mikið af fiski stundi kynlíf oftar og meir en pör sem forðast fiskát.